وجلا الليل لـ زكيه محمد ج٢
قاطعه بصفعة قوية ولأول مرة قائلًا بغضب :- وهتفتكر إيه وانت شارب المدعوك دة ! يلا شوف أهي چات على راسك شيل بقى .
أردف بإنفعال :- تلاقيها قاصدة، إيه اللي هويديها لمُطرح الخيل بتاعي أنا مرحتلهاش فرشتها لقيتها قدامي .
أردف بغضب :- وكمان بتقاوح يا كلب اسمع أما أقولك أنا صبرت عليك كتير بس خلاص چبت آخري معاك والحديت دة لازمن يتحطله حد عشان تخْرَّس بيه الناس اللي مورهاش غير الرط انت هتچوز البت وتستر عليها .
أردف بصدمة وغضب مكتوم :- أتچوز مين ؟أنا هديها قرشين و…..
صمت حينما باغته جده بصفعة أخرى مرددًا بحدة :- هو شرف الناس بيتباع إياك يا دكتور ! أنا هچمع كل الخدم اللي إهنة دلوك وقولهم إنها مرتك وإنك مرضيتش تقولنا عشان خوفت لا منوافقش عليها لحد ما تكتب عليها وتعملها فرح .
صرخ بغضب وعدم تصديق للفرمان الذي أبرمه والده لتوه والذي لا نقاش فيه :- يا أبوي…….
قاطعه بصرامة :- ولا كلمة انت هتنفذ اللي هقوله وبس .
وبالفعل بعد دقائق كان العاملون مجتمعين بالمنزل، ووقف عامر قبالتهم وإلى جواره خالد وهتف بغضب :- طبعًا أنتوا ما صدقتوا تلقوا سيرة چديدة تتسلوا بيها، إيه عرض الناس لعبة عشان تنقلوه من واحد للتاني نسيتوا رسولنا لما قال ” من ستر مسلماً ستره الله في الدنيا والآخرة” لاه انتوا عاملينها لبانة كل شوية في خشم التاني طيب اعرفوا الحقيقة الأول وبعدين اتحدتوا كيف ما انتوا رايدين.
اللي شاف اللي حُصل في الإسطبل عشية وراح نقله ومخافش ربنا رايد أقوله إن دة عادي يحصل بين أي تنين متچوزين ولا ليكم رأي تاني !
نظروا له بصدمة عن أي زواج يتحدث! بينما وكز خالد ليتحدث بدوره فجز على أسنانه بغيظ مكبوت قائلاً :- أيوة صُح الحديت اللي قاله أبوي دي مرتي وأنا ما قولتش لحد عشان خوفت يرفضوا فأتچوزتها على سنة الله ورسوله بس من وراهم بس إتفاچئت لما لقيتهم مش معارضين عشان إكدة هعلن چوازي منيها آخر الشهر، وأي كلب هيچيب سيرتي ولا سيرتها تاني هقطعله لسانه وملهوش عيش حدانا تاني .
أومأ الجميع له بخفوت ثم انصرفوا فجلس إلى جوار جده وهتف بغيظ :- ها عملت اللي انت رايده زين إكدة؟ ودلوك وينها الهانم اللي ورطتني الورطة المهببة دي ؟
هتف بإنفعال:- خالد متنساش إنك اللي غلطان هنادي عليها دلوك هي وأمها وأتفق معاهم .
